Ikipe ya manchester united yaba igiye kugurishwa n’abaherwe bayo bari bayimaranye imyaka 17, ibi ahanini byaba biturutse ku gitutu cy’abafana gikabije ndetse n’umusaruro nkene mu kibuga umaze imyaka hafi 10 kuri Manchester united.

Amakuru dukesha skynews yasakaye kuri uyu wa kabiri avuga ko aba bakire baturuka mu muryango wa Glazer bari gusuzuma uburyo bwakoroha bwo gutanga iyi kipe kuburyo byarangira ivuye mu maboko yabo. Amakuru kandi avuga ko ubu hari itsinda ry’abahanga mu by’ubukungu riri gutanga inama z’uburyo iyi kipe yagurishwa yose cyangwa bagatanga igice bagasigarana ikindi.

Sibyo gusa kuko itangazo rishimangira ibi rishobora gusohoka igihe icyaricyo cyose. Aya makuru akimara gusohoka, agaciro k’ikipe ya Manchester united ku isoko ry’imari n’imigabane kahise kazamukaho 17 ku ijana bivuze ko hiyongereyeho arenga miliyoni 400.

Kuva Sir Alex Ferguson yasezerano muriyi kipe muri 2013, Manchester united ntirongera gukora ku gikombe cya shampiona ndetse bamaze kwirukana urutonde rurerure rw’abatoza bose bashinjwa kubura umusaruro.

Umuvugizi w’ikipe y’igihugu y’Ububiligi yavuze ko imyenda iyi kipe yabo yari guserukana mu gikombe cy’isi, FIFA yayanze kubera amagambo yanditseho ashyigikira ubutinganyi.

Imiterere yiyi myenda igizwe n’amabara ariho agizwe n’umukororombya bikaba bizwiko aya mabara asanzwe yifashishwa mu gushyigikira imico n’imigirire yaba bantu. Icyakora umuvugizi wiyi kipe y’Ububiligi yavuze ko FIFA itanze iyi myenda biturutse ku biyiriho ahubwo ngo bayanze bitewe nuko harimo no kwamamaza mu buryo butemewe mu mategeko y’igikombe cy’isi.

Iyi myenda yashyizwe hanze mu kwezi kwa cyenda gushize, ndetse ububiligi buyikinana imikino myinshi muri Nations League. Icyakora kandi iyi myenda yanzwe nyuma yuko FIFA itangaje ko nta mukapiteni wemerewe kwambara igitambaro cy’ubukapiteni kiriho amabara ashyigikira ubutinganyi kuko uzabikora azahita ahabwa ikarita y’umuhondo. Ibi kandi bije ku busabe bwa Qatar itajya yemera na rimwe ubutinganyi n’ibindi bikorwa byose bijyanye nabwo bityo na fifa yahisemo kubahiriza ubusabe bw’igihugu cyakiriye amarushanwa.

Icyakora ishyirahamwe ry’umupira mu bubiligi kuri uyu wa mbere ryo ryatangaje ko kapiteni wabo Eden Hazard atazigera yambara mwene iki gitambaro.

Qatar nk’igihugu gisanzwe kigendera ku matwara ya islam yashyizeho imirongo myinshi ntarengwa cyane cyane yo guhangana n’imyitwarire y’abanyaburayi bo batemera, aho harimo nko guhagarika ibikorwa byose bijyanye n’ubutinganyi ndetse n’ubucuruzi bw’inzoga muri stade. 

Cristiano Ronaldo uri mu myaka ye ya nyuma mu mupira w’amaguru amaze iminsi ahanganye n’ikipe akinira ya Manchester united, kuriyi nshuro yagarutse avuga ati ndi icyuma ntawankoraho, mvuga ibyo nshaka, igihe nshakiye. Ibi yabivuze nyuma yaho ikipe ye itangaje ko uyu mugabo ashobora kwirukanwa biturutse ku kiganiro yakoranye na Morgan Piers.

Kuri uyu wa mbere yongeye kugaragara mu itangazamakuru aho ikipe ya Portugal ikambitse muri Qatar. Ronaldo ahita avuga ko ntawamukoraho ndetse ko ari icyuma ati: “mvuga icyo nshaka, igihe nshakiye” uyu mugabo w’imyaka 37 kandi yasabye abanyamakuru ko ibyo yavuze bidakwiye kubazwa undi mukinnyi uwariwe wese mu ikipe ya Portugal, ahubwo abandi bakwiye kubazwa ibyerekeranye n’igikombe cy’isi aho bazamanuka mu kibuga kuwa kane bahanganye n’ikipe ya Ghana.

Ikiganiro yagiranye na Piers Morgan cyamaze iminota 90 cyari kiri mu bice bibiri, cyabaye nkaho aricyo gishyize iherezo ku mupira wa Ronaldo mu ikipe ya Manchester united nyuma yaho anenze bikomeye ikipe, abayobozi bakuru, abatoza ndetse na bamwe mu bakinnyi bakinana muri Manchester united. Bidatinze abanyamategeko ba Manchester united bahise batangira zimwe mu nzira z’amategeko zijyanye no gusesa amasezerano asigaye ya Cristiano muriyi kipe, aya masezerano akaba afite agaciro ka miliyoni 16 zama pound.

Icyakora ibi ntacyo bibwiye Ronaldo kuko kuri uyu wa mbere yasubiyemo avuga ibyo yavuze byose byari mu burenganzira kuko ntanumwe wemerewe kumubuza kuvuga kuburyo abayego muri Manchester united. Ronaldo ati: “ndi icyuma, mu buzima bwange igihe cyiza kibaho, ni igihe njye nishyiriyeho. Nta narimwe mba ngombwa gutekereza kubyo abantu bamvugaho cyangwa bantekerezaho ahubwo mvugira igihe nshakiye”

Ubusanzwe ubucuruzi bw’inzoga mu gihugu cya Qatar buragenzurwa bikomeye ndetse si buri wese wemerewe kuzicuruza, no mu gikombe cy’isi rero uku kugenzura icuruzwa ry’inzoga ntibyahagaze kuko kugeza ubu nta muntu numwe uzaba wemerewe gucuruza inzoga cyangwa ikindi kintu gisembuye kuri stade muriki gikombe cy’isi.

Uruganda Budweiser nirwo rwari rufite isoko ryo gucuruza ibisembuye ku ma stade mu gikombe cy’isi, gusa byarangiye uru ruhushya narwo rukuweho habura iminsi ibiri ngo amarushanwa atangire. Nyuma yicyi cyemezo byahise biba ihame ko nta mufana numwe uzabasha kunywa ibisembuye muri stade mu gihe cy’umukino uwariwo wose w’igikombe cy’isi.

Itangaza ryasohowe na FIFA itegura igikombe cy’isi riragira riti: “Nyuma y’ibiganiro birambuye hagati y’ubuyobozi bwa Qatar ari nayo izakira igikombe cy’isi ndetse na FIFA hafashwe umwanzuro ko ibinyobwa bisembuye bizacuruzwa ahantu hateganyijwe ndetse hemewe n’ubutegetsi bwa Qatar ariko nta bisembuye na bimwe bizagurishwa kuri za stade mu gihe cy’imikino. Icyakora ibinyobwa bidasembuye bizakomeza gucuruzwa ndetse FIFA na Qatar bazakora ibishoboka byose kugira ngo bamenye neza niba abafana bameze neza mu mikino yose”

Ibi byose bije nyuma yaho amatangazo yahise mbere yavugaga ko inzoga zizajya zicuruzwa ku ma stade yaba mbere cyangwa mu gihe cy’umukino, ariko Qatar nk’igihugu gisanzwe kitemera kunywa inzoga mu ruhame, bavuze ko uku gucuruza inzoga kuri za stade byaba binyuranyije n’umuco wabanya Qatar ariko kandi atari Qatar gusa ahubwo bijyanye n’abaturage baturanye n’igihugu cya Qatar usanga batemera icuruzwa ry’inzoga mu ruhame.

Itangazo ryasohowe n’ikipe ya Manchester United yo mu Bwongereza uyu mukinnyi asanzwe akinira, rivuga ko Cristiano Ronaldo yategetswe kutazagaruka ku kibuga cy’imyitozo cya Manchester kizwi nka Carrington, igihe azaba avuye gukina igikombe cy’isi muri Qatar.

Hari kandi amakuru avuga ko ikipe ya Manchester yatangiye inzira z’amategeko zo gusesa amasezerano ya Cristiano n’iyi kipe, aya masezerano yamwemereraga guhembwa ibihumbi 500 byama pound buri cyumweru, nyamara bivugwa ko Manchester United niramuka iyasheshe nta nigiceri uyu mukinnyi azabona muri miliyoni 16 zama pound yari kuzaba asaruye ubwo amasezerano ye azaba arangiye mu mpeshyi itaha.

Itangazo riragira riti: “Manchester United yamaze gufata ingingo ziboneye mu rwego rwo guhangana nibyo Ronaldo aherutse mu binyamakuru, nta byinshi tuzatangaza kuriyi ngingo kugeza tugeze ku mwanzuro wa nyuma ufatika kuriyi ngingo turiho” byose byazamutse nyuma y’ikiganiro Ronaldo yagiranye n’umunyamakuru Piers Morgan cyamaze iminota 90, maze Cristiano akandagaza bikomeye ikipe ya Manchester united atitaye ko ayifitiye amasezerano ndetse bikagera naho atangaza ko atubaha umutoza we Ten Hag bitewe nuko nawe nta cyubahiro amuha.

Ibyo byatumye nyuma yicyo kiganiro ubuyobozi bwa Manchester united ndetse n’umutoza Ten Hag bakora inama igitaraganya kugira ngo hafatwe imyanzuro ikaze yo gusubiza ku kiganiro Cristiano yatanze. Uyu Ronaldo yahereye ku ikipe ya Manchester united avuga ko kuva muri 2012 ubwo Alex Ferguson yagendaga nta ntambwe nimwe iyi kipe yateye ijya imbere ahubwo ibintu byagumye uko byari biri. Yarakomeje anenga Manchester united avuga ko yatunguwe no kuba yarazanye umutoza Ralf Rangnick wasimbuye Ole Solskjaer avuga ko aribwo bwa mbere yari yumvise uwo mudage bari bazanye.

Ntibyaciriye ahubwo yarakomeje anenga bikomeye abayobozi bakuru ba Manchester united avuga ko batajya bita na rimwe ku ikipe n’abafana ahubwo ikibaraje ishinga ari ukwinjiza ibifaranga byinshi naho ibijyanye nikipe ntacyo bibarebaho.