Iyi ndege yaturukaga Atlanta muri Amerika yerekeza Barcelona muri Espanye, yahatirijwe gusubira inyuma igitaraganya nyuma yuko bimenyekanye ko umwe mu bagenzi arwaye impiswi ikomeye cyane bigatuma indege yose ibura umudendezo.
Uwari utwaye iyo ndege ati: “bibaye ngombwa ko dusubira inyuma umugenzi yamaze kurwara impiswi kandi bishobora guteza ikibazo mu ndege hose, dufite impungenge ko byateza ikibazo n’abandi bagenzi niyo mpamvu dufashe umwanzuro wo gusubira inyuma tukagaruka Atlanta”
Bamwe mu bagenzi batangaje ko byari biteye isesemi mu ndege ndetse umunuko wari watangiye kugera mu ndege hose, uretse abagenzi kandi bamwe mu bakozi b’indege nabo bavuze ko byari byatangiye kubangamira buri wese. Indege ikimara kugera hasi bihutiye kuyikorera amasuku yose yose ndetse abagenzi bategereza ko babona indi ndege, umugenzi wari urwaye nawe yahise ajyanwa kwa muganga igitaraganya.
Ubusanzwe akantu kose kabonetse mu ndege gashobora gutuma habaho guhagarika urugendo muburyo butunguranye kuko indege ni kimwe mu bintu bigoranye ndetse bigomba kwitwabwaho.
