Uyu mugore w’umushoramari ndetse akaba yarabaye icyamamare ku mbuga nkoranyambaga yavuze ko ubuzima bwe buzirana n’umuntu uwariwe wese umuca inyuma, uyu rero avuga ko buri wese umuciye ahita amureka ari nayo mpamvu ahora ahinduranya abagabo.
Nkuhinduranya imyenda, uyu mugore amaze kuba ikimenyabose mu binyamakuru kubera guhindagura abagabo umunsi kuwundi. Uyu mugore wanabyaranye na Diamond Platnumz ashimangira ko kimwe mu bintu adashobora kwihanganira na rimwe mu buzima bwe, ari umuntu umuca inyuma, ati: “rero ntimugatungurwe nuko mpinduranya abakunzi kenshi, nuko mba niteguye kumureka akagenda nkimara kumenya neza umuntu ari kuncana inyuma nawe”
Zari avuga ko atakwihanganira na rimwe ko umuntu bakundana yumva inkuru zuko harundi bamusangiye uturutse hanze. Zarri ati: “iri ni nk’itangazo ngira ngo abantu bose bamenye, sinzigera nihanganira na rimwe umuntu unca inyuma. Uko kwihangana ntako nabona. Abantu kenshi batekereza ko ari njyewe kibazo, kuko babona nkunda guhinduranya abakunzi ariko kuriyi nshuro nshaka gutanga umucyo kuriki kintu. Iyo nakunze nkunda umuntu umwe n’umutima wange wose, nkashyiramo imbaraga zange zose ariko iyo hajemo kunca inyuma sinshobora kubyihanganira”
Zari Hassan ubu ni umugore w’abana batanu afitanye n’abagabo babiri batandukanye, gusa kuri ubu ari kumwe n’umugabo wa gatatu ndetse ubwe avuga ko igihe cyose aba yiteguye gutanga uburenzagira kuwo bari gukundana mu gihe yagaragaje ko ari kumuca inyuma.
