Uyu mugabo Alex Jones usanzwe azwi cyane ku rubuga Infowars rusanzwe rutangaza amakuru benshi batajya bashaka kumva, yatangaje ashize amanga ko afite ibimenyetso bihagije ko Michelle Obama umugore wa Barack Obama wahoze ari perezida wa America, yahoze ari umugabo akaza kwihinduza umugore, ibyo benshi bamenyereye nka transgender.
Uyu Jones yashyize hanze amashusho y’iminota hafi 12, yakoze isesengura kuri uyu mugore Michelle Obama. Uyu mugabo avuga ko ibitugu bya Michelle ndetse n’isura ye ya kigabo ari bimwe mu byerekana ko uyu mugore atariko yavutse, ahubwo ashobora kuba yaravutse ari umuhungu nyuma akaza kwihinduzamo igitsinda gore.
Uyu mugabo kandi akomeza avuga ko na Barack Obama ubwe ibi bintu abizi ndetse yari azi neza Michelle kuva na kera. Avuga ko ndetse no mu mbwirwaruhame zimwe na zimwe za Obama yajyaga yita umugore we Michael izina ry’abagabo, aho kumwita Michelle iry’abagore. Uyu mugabo kandi yakomeje yamagana abamushinja irondaruhu bijyanye nuko yavuze kuri Michelle ahubwo asaba abantu kujya bakora isuzuma bakareba ibyo nawe aba yavuze niba koko nta shingiro bifite.
