Mu gihugu cya Singapore, umugabo w’imyaka 26 yakatiwe gufungwa iminsi 77 nyuma yo guhamwa n’icyaha cyo gukwirakwiza amashusho y’imibonano mpuzabitsina yakoranye n’umukunzi we wa kera. Ibi yabikoze nyuma y’uko urukundo rwabo rusenyutse, maze mu rwego rwo kwihorera, afata ayo mashusho yari yarafashe mu ibanga, ayohereza ku mbuga za pornografi. Uyu mugabo yemeye icyaha, ariko avuga ko yabikoze bitewe n’umujinya no gutakaza umuntu yakundaga cyane.
Amategeko ya Singapore abuza gukwirakwiza amashusho y’abantu batabiherewe uburenganzira, cyane cyane ashingiye ku myanya ndangagitsina. Nubwo uyu mugabo yagerageje gusiba ayo mashusho nyuma y’igihe, iperereza ryagaragaje ko yari akiyafite muri mudasobwa ye, kandi yarayohereje kuri za mbuga zitandukanye. Ibi byafashwe nk’icyaha gikomeye cyo kwangiza isura y’undi muntu, ndetse no kumuhungabanya mu buzima bwe bwite.
Iyi nkuru ibaye isomo rikomeye ku bantu bose, ni uko ikoranabuhanga ridakwiye gukoreshwa nabi. Niba urukundo rutarangiye neza, si byiza kwihorera no gukoresha ibanga ry’uwahoze ari umukunzi wawe ngo umukorere amahano. Uburenganzira bwo kugira ubuzima bwite bugomba kubahwa na buri wese. Gukomeretsa umuntu mu buryo bw’icyubahiro n’amasura ye si igisubizo cy’amarangamutima, ahubwo bishobora kuzanira umuntu ibihano bikomeye mu mategeko.
Wowe ubitekerezaho iki? Wakora iki mu gihe wahuye n’ibi bibazo byo guhohoterwa binyuze mu buryo nkubu?
