Ku itariki ya 31 Ukwakira 2002, i Toamasina, muri shampiyona ya Madagascar, habereye umukino wagatangaza warangiye ari ibitego 149-0, ibitego byinshi mu mateka y’umupira w’amaguru. Ikipe ya Stade Olympique de L’Emyrne (SOE) yitsinze ibitego byabo ubwabo 149 byose, mu rwego rwo kwigaragambya. Mu mukino bari bahanganye na AS Adema.
Impamvu yihariye yateye Stade Olympique de L’Emyrne (SOE) kwitsinda ibitego 149, yari yaramaze kubuzwa amahirwe yo kwegukana igikombe kubera icyemezo cy’umusifuzi yafashe mu mukino wabanje, aho yahaye penaliti ikipe bari bahanganye ku buryo butavuzweho byinshi. Bafashe iki gikorwa nk’uburyo bwo kwigaragambya no gutanga ubutumwa bw’uko batishimiye uko shampiyona iyobowe n’uburyo abasifuzi bafata imyanzuro ishobora gukuraho amahirwe yose ikipe yari ifite.
Bakoze “protest” mu mukino ukurikiyeho bahita batangira kwinjiza umupira mu izamu ryabo banganya, bakurikiza ibyo bahise babwirwa n’umutoza wabo, Ratsimandresy Ratsarazaka .
Uko umukino wagenze ku girango bitsinde ibitego 149-0, Mu gutangizi umukino, SOE yahise itangira yitsinda igitego muri buri kick-off, Abakinnyi ba AS Adema bari bahanganye nayo hamwe n’abafana bararebaga gusa.
Nyuma y’umukino,Fédération ya Madagascar (FMF) yahannye umutoza wa SOE imyaka 3 adakora ibikorwa binjyanye n’umupira w’amaguru muri Madagascar ndetse no kwinjira mu bibuga. Abakinnyi bane barimo kapiteni Manitranirina Andrianiaina, Mamisoa Razafindrakoto, Dominique Rakotonandrasana, na Nicolas Rakotoarimanana nabo barahanwe.
Umukino wose wa SOE muri shampiyona ya 2002 wabaye (forfeit) kandi ikipe yaje guhanwa kutitabira irushanwa iryariryo ryose kugeza mu 2006.
