Abayobozi ba Leta Zunze Ubumwe za Amerika bayobowe na Perezida Donald Trump bari gutekereza kongeraho ibihugu 36 bishya ku rutonde rw’ibihano byo kwinjira muri Amerika, nk’uko ibaruwa (memo) ya State Department yandikiye ambasade za Amerika ku isi hose ibigaragaza. Ibi byateye impaka kuko bikomatanya gahunda nshya yo gukaza ubwirinzi bwo ku mipaka, nyuma y’uko ku itariki ya 4 Kamena hashyizweho urutonde rushya rw’ibihugu 12 ndetse n’ibindi 7 byazamuweho ingamba.
Mu ibaruwa yashyizweho umukono na Minisitiri w’Ububanyi n’Amahanga, Marco Rubio, hatangajwe ko ibihugu byavuzwe bigomba gutanga ingamba zifatika mu minsi 60 zo gukemura ibibazo bijyanye n’impapuro zanditse, ibibazo by’abantu basigaye mu gihugu nyuma y’uko visa yabo yarangiye, ndetse no guca ibikorwa bijyanye na politika yo kwamagana Abayahudi (antisemitic) cyangwa Amerika (anti-American) mu baturage babo. Ibihugu bitabishoboye bizahura n’ingaruka zirimo kubuzwa kubona visa cyangwa guhagarikwa ku gisirikare kuva mu bihugu byatoranyijwe.
Bimwe mu bihugu bigomba kwitegura iki gikorwa ni ibihugu 25 bya Afurika, birimo nka Misiri, Uganda, Nigeria, Repubulika Iharanira Demokarasi ya Congo, na Djibouti, kimwe n’ibihugu byo muri Karayibe, Aziya y’Iburasirazuba, n’ibirwa byo mu Nyanja ya Pasifika. Ibi bishobora kugira ingaruka zikomeye ku bantu bashaka kujya muri Amerika mu by’ubucuruzi, uburezi cyangwa ubukerarugendo.
