Mu gihe isi yose ikomeje gushishikarizwa gusubira ku biribwa karemano, ubushakashatsi bwagaragaje ko kurya tangawizi buri munsi mu gihe cy’ukwezi kumwe bishobora kugira impinduka zifatika ku buzima bw’umuntu.
Tangawizi ikomoka ku mizi y’igihingwa kizwi cyane muri Aziya, ni kimwe mu bimera byakoreshejwe kuva kera mu buvuzi bwa gakondo. Ubu ariko, n’abashakashatsi ba none barayemeza nk’umuti ufatika w’ibibazo byinshi by’ubuzima.
Tangawizi si igihingwa gisanzwe. Ni umuti karemano wifitemo imbaraga nyinshi ushobora guhindura ubuzima bwawe igihe ukoreshejwe neza. Niba wiyemeje kuyirya buri munsi mu gihe cy’iminsi 30, dore impinduka zishobora kugaragara ku mubiri wawe:
- Igabanya ububabare bwo mu ngingo no mu misokoro
Tangawizi izwiho kugabanya ububabare bushamikiye ku mvune cyangwa arthritis kubera anti-inflammatory karemano irimo. - Igogora rinoze kandi rihuse
Tangawizi ifasha igifu gukora neza, ikagabanya isesemi, kuribwa mu nda, no guhindagurika k’umusarani. Mu cyumweru cya mbere, ushobora gutangira kumva mu nda hatuje, nta kuribwa cyangwa kunanirwa kw’igogora. - Gukomeza ubudahangarwa bw’umubiri
Mu minsi 7–14 ya mbere, umubiri wawe utangira kwiyubaka kuko tangawizi ifasha gusohora imyanda, ikarwanya virusi n’udukoko dutera indwara. Ibi bigufasha kutarwaragurika nk’uko byari bimeze mbere. - Kurinda umutima
Mu byumweru bine, ushobora kubona igabanuka rya cholesterol mbi (LDL) no kugabanyuka k’umuvuduko w’amaraso. Ibi byose bigira uruhare mu kurinda umutima wawe. - Uruhu rurushaho kuba rwiza
Kubera uko isohora uburozi mu maraso, uruhu rugaragara neza, rutarimo amavuta menshi cyangwa uduheri, ndetse rugasa neza. - Ibiro bishobora kugabanuka
Tangawizi yongera ubushyuhe bw’umubiri (thermogenesis), bigafasha gutwika ibinure. Iyo ubifatanyije n’imirire myiza n’imyitozo, ushobora gutakaza ibiro mu buryo bwihuse.
Kurya tangawizi buri munsi mu gihe cy’ukwezi ni icyemezo cyiza gishobora kuzana impinduka nziza ku buzima bwawe. Uhereye ku gukomera kw’ubudahangarwa, kugabanya ububabare n’umunaniro, gukosora igogora, kugeza ku kurinda umutima no kugabanya ibiro, tangawizi igaragaza ko ari kiribwa gito gifite ubushobozi bukomeye.
Icyakora, nk’uko bimeze ku bindi byose bifasha umubiri, ni byiza kuyifata ku rugero, kandi ukamenya uko umubiri wawe uyakira. Abafite indwara z’igisukari, igifu, cyangwa bafata imiti ihoraho, bagirwa inama yo kubanza kugisha inama y’umuganga.
