Ku itariki ya 3 Nzeri 2025, Ubushinwa bwateguye parade y’ingabo nini kurusha izindi zose zabaye mu mateka yabwo, ku isabukuru y’imyaka 80 ishyizeho iherezo ry’Intambara ya Kabiri y’Isi. Iki gikorwa cyari cyuzuyemo kwerekana imbaraga z’ingabo n’ubufatanye bw’ingenzi bw’isi, ubwo Perezida Xi Jinping yari aherekejwe na Perezida w’Uburusiya Vladimir Putin na Perezida wa Koreya ya Ruguru Kim Jong-un.
Uku guhurira kw’abayobozi batatu ku nshuro ya mbere kwerekanye impinduka mu mibanire y’ibihugu ku isi, bikerekana ishusho nshya y’ubutware buhanganye n’ubuyobozi bwa Amerika n’ibihugu by’abafatanyabikorwa bayo.
Kugaragara kwa Putin na Kim muri parade y’Ubushinwa byagaragaje ko hari ubufatanye bukomeye hagati y’Ubushinwa, Uburusiya, na Koreya ya Ruguru. Ubu bufatanye, bukunze kwitwa “axis of upheaval” bisobanuye ubufatanye bw’Ubushinwa, Uburusiya, na Koreya ya Ruguru, aho ibi bihugu bishaka kugaragaza ko bishobora guhagarika cyangwa guhangana n’ubutegetsi bwa Amerika n’abafatanyabikorwa bayo ku rwego rw’isi. Kutagaragara kw’abayobozi b’Uburengerazuba, uretse Serbia na Slovakia, byashimangiye itandukaniro rikomeye hagati y’ibi bihugu n’Uburengerazuba.
Parade yatumye Ubushinwa bugaragaza ikoranabuhanga ryayo rishya mu ntwaro, bigaragaza icyifuzo cyo guhanganira Amerika mu ntwaro za kirimbuzi no mu ntwaro zisanzwe. Ibikoresho by’ingenzi byagaragajwe ni:
- Missile za Kirimbuzi Zishobora Kugera kure (ICBMs): Mu birori byabaye, Ubushinwa bwerekanye DF-61, missile ishobora kwimuka ifite intera ya kilometero 12.000, hamwe na DF-5C, missile ikorera ku nzuzi. Ibi byagaragaje ubukana n’ubushobozi bw’intwaro za kirimbuzi z’Ubushinwa.
- Intwaro za Hypersonic: Ubushinwa bwerekanye YJ-17 na YJ-19, missile zifite ubushobozi bwo kugenda ku muvuduko ukabije no kugera ku ntego mu gihe gito cyane. Izi ntwaro zerekanye ko Ubushinwa bwashyize imbere ikoranabuhanga rishobora kunyura cyangwa gutsinda uburyo busanzwe bwo kurinda intwaro.
- Intwaro zifashisha Urumuri (Laser): Ubushinwa bwerekanye LY-1, intwaro ikoresha urumuri ikomeye, igamije kurinda indege z’amazi n’ibikoresho byo mu kirere, ikerekana ko Ubushinwa bwinjiye mu rwego rw’intwaro zishingiye ku rumuri.
- Sisitemu Zidakoreshejwe n’Abantu: Parade yerekanye ubwato bunini bugendera munsi y’amazi bidafite abapilote n’imbwa za robot, bigaragaza ko Ubushinwa bwibanda ku ikoranabuhanga ritagira abakozi mu ntwaro
Ubutumwa bwa parade bwa garagazaga ko Ubushinwa bushaka kuba ku mutima w’isi nshya, buhanganye n’ubuyobozi bwa Amerika n’ibihugu by’abafatanyabikorwa bayo. Ijambo rya Perezida Xi ryashimangiye ko izamuka ry’Ubushinwa ritazahagarikwa, asobanura ko imbaraga n’impamvu ari byo bizagena isi nshya
Trump yanditse avuga ko asuhuza Perezida Xi w’Ubushinwa n’abaturage b’igihugu cye ku munsi mukuru wabo.
Yagize ati “Nifurije Perezida Xi n’Abashinwa kugira umunsi mwiza, uhoraho wo kwizihiza. Ndakomeza no kubasuhuza by’umwihariko Perezida Vladimir Putin na Kim Jong-un igihe mukomeje gucura imigambi yo kurwanya Leta Zunze Ubumwe za Amerika. Byari ibirori byiza cyane, birashimishije, ariko byari kuba byiza cyane iyo Perezida Xi avuga inkunga ikomeye, igitambo, n’amaraso byatanzwe na Leta Zunze Ubumwe za Amerika mu kurokora Ubushinwa mu Ntambara ya Kabiri y’Isi. Kuko ntaho Ubushinwa buba buri uyu munsi iyo hataba Amerika!”
Ubufatanye na Uburusiya na Koreya ya Ruguru, hamwe no kwerekana intwaro zigezweho, bigaragaza umuhate wo guhindura imiterere y’ubutware ku isi. Ibi byateje impungenge mu bihugu by’Uburengerazuba, bamwe mu basesenguzi bavuga ko gushyikirana kw’ibi bihugu gushobora guterwa n’imyitwarire itanoze ya politiki y’Amerika.
