Perezida Donald Trump yatangaje ko Iran “itazigera na rimwe” yongera kubaka porogaramu yayo ya nikleyeri nyuma y’ibitero bya Leta Zunze Ubumwe za Amerika byibasiye aho iyi porogaramu ikorerwa.
Abajijwe niba Iran ishobora kongera kwiyubaka nyuma y’aya masasu, Trump yasubije ati: “Iran ntizongera kwiyubaka na rimwe.” Ibi yabivugiye mu kiganiro n’abanyamakuru mu rugo rwe rwa White House mbere yo kwerekeza mu nama ya NATO mu Buholandi.
Yongeyeho ati: “Aho hantu hihishe munsi y’amabuye, harasenyutse burundu.”
Trump yashimiye ingabo za Amerika, by’umwihariko abapilote bakoze iyo mirwano, avuga ati: “Abapilote ba B-2 bakoze akazi kabo, baragakoze kurusha uko umuntu wese yabyiyumvisha.”
Yahakanye inkuru zimwe zasohowe n’ibitangazamakuru bitandukanye zivuga ko ibyo bitero nta ngaruka zikomeye byagize, avuga ko ibyo ari ibihuha.
