Polisi mu burengerazuba bw’ubudage iri guhiga bukware abantu bataramenyekana baje mu rwuri bakiba byari birimo intanga z’ibimasa.
Ubuyobozi buvuga ko byibuze ibigega (containers) bigera kuri 60 byari birimo intanga z’ibimasa byibwe ahantu mu rwuri mu mujyi wa Olfen, izo ntanga bivugwa ko zibwe kuwa mbere wiki cyumweru gishize. Police ivuga ko kuwa gatatu aribwo byamenyekanye ko uwo mutungo wibwe ariko ntibyamenyekana uko byagenze ngo ubwo bujura bubeho.
Byari biteganyijwe ko izo ntanga zagombaga gukonjeshwa kugirango zitangirika, ubusanzwe intanga zikaba zikonjeshwa ku kigero cya dogere 196 z’ubukonje. Police isaba abaturage kuba bakora ibishoboka byose ufite amakuru kuri ubwo bujura akaba yayatangira ku gihe kugira ngo uwo mutungo w’agaciro gakomeye ube wagarurwa. Izi ntanga zagombaga kwifashishwa mu gutera intanga ndetse zikaba zari koherezwa mu bihugu binyuranye.
Igikorwa cyo gutera intanga cyane cyane mu bihugu bya Africa usanga aricyo kigezweho mubworozi bw’ibihugu binyuranye ndetse intanga zikoreshwa kenshi zikaba zituruka mu bihugu by’uburayi.
